1979 ഡിസംബറില് അഫ്ഗാനിലുണ്ടായിരുന്ന കമ്മ്യൂണിസ്റ്റ് ഭരണകൂടത്തെ പിന്താങ്ങുന്നതിനായി അധിനിവേശം നടത്താനുള്ള തീരുമാനമെടുത്തത് അന്ത്രപ്പോവ്, ഗ്രോമിക്കോ പൊനോമരേവ്, പ്രതിരോധമന്ത്രി മാര്ഷല് ക്ലസ്റ്റിനോവ് എന്നിവരടങ്ങുന്ന നാലംഗസമിതിയായിരുന്നു. ക്രംലിനില് നടന്ന ഒരു സ്വകാര്യ കൂടികാഴ്ചയില് രോകാതുരനായ ബ്രഷ്നേവിന്റെ സമ്മതം അവര് നേടിയെടുക്കുകയായിരുന്നു. എന്നിരുന്നാലും അഫ്ഗാന് തീരുമാനത്തില് ഗ്രോമിക്കോയുടെ സ്വാധീനം മറ്റുള്ളവരേക്കാള് കുറവായിരുന്നു. മറ്റേതൊരു അധിനിവേശത്തെക്കാളും അഫ്ഗാനില് കെ.ജി.ബി യുടെ കരങ്ങള് പ്രവര്ത്തിച്ചിട്ടുണ്ടായിരുന്നു. രാജ്യദ്യോഹികളെന്ന് മുദ്രകുത്തി അധിനിവേശ സമയത്തെ അഫ്ഗാന് പ്രസിഡന്റ് ഹനീഫുള്ള അമനെ വധിച്ചത് കെ.ജി.ബി. യായിരുന്നു. കെ.ജി.ബി. യുടെ ഈ ഗൂഢപദ്ധതിയെ കമ്മ്യൂണിസ്റ്റ് റഷ്യയുടെ ലോകത്തിനുമേലുള്ള ആധിപത്യമായിട്ട് ഉയര്ത്തിക്കാന് ചില കെ.ജി.ബി യിലെ മുതിര്ന്ന ഉദ്യോഗസ്ഥന് മുന്നോട്ടു വന്നിരുന്നു. ഈ കാര്യം ഉയര്ത്തിക്കൊണ്ട് വന്നത് ആന്ത്രപ്പോവ് കെ.ജി.ബി. മേധാവിയായിരുന്ന സമയത്തായിരുന്നു. പോളിറ്റ് ബ്യൂറോയിലെ ഏറ്റവും സ്വാധീനമുള്ള നേതാവായിട്ട് ആന്ത്രാപ്പോവ് 1982 ല് ഉയര്ന്നുവന്നു. ബ്രഷ്നേവിന്റെ മരണശേഷം പാര്ട്ടിനേതാവാകുകയും റഷ്യയുടെ നേതൃത്വം ഏറ്റെടുക്കുകയും ചെയ്തു. അപ്പോഴേക്കും അഫ്ഗാന് റഷ്യയുടെ കണ്ണില് അവരുടെ വിയറ്റ്നാമായി മാറിയിരുന്നു.
ഉപേക്ഷിക്കാനാകാത്തവിധവും റഷ്യ അഫ്ഗാനില് കുടുങ്ങിപ്പോയിരുന്നു. ഒരിക്കലും വിജയിക്കാനാകില്ലെന്ന് റഷ്യയ്ക്ക് ബോധ്യമായത് വളരെ വൈകിയായിരുന്നു.
കാര്യങ്ങള് മനസ്സിലാക്കി വന്നപ്പോഴേക്കും റഷ്യ വളരെ വൈകിപ്പോയിരുന്നു. അഫ്ഗാനില് നിന്നും തിരിഞ്ഞോടാനുള്ള തീരുമാനം ഗോര്ബച്ചോവ് എടുക്കുമ്പോഴേക്കും സോവിയറ്റ് യൂണിയന്റെ മൂലക്കല്ല് ഇളകിയിരുന്നു. അമേരിക്കയെ സംബന്ധിച്ചിടത്തോളം വിയറ്റ്നാമില് നിന്നുള്ള പിന്മാറ്റം ചെറിയ ഒരു ആത്മവിശ്വാസക്കുറവ് മാത്രമാണ് അവര്ക്ക് നല്കിയിരുന്നതെങ്കില് അഫ്ഗാനിലെ പിന്മാറ്റം സോവിയറ്റ് യൂണിയന്റെ തകര്ച്ചയ്ക്ക് വഴിവച്ചു.
കെ.ജി.ബി. യുടെ മൂന്നാം ലോകത്തെ പരാജയം റഷ്യയുടെ പതനത്തിന് വഴിവെക്കുകയായിരുന്നു. ഫിഡില് കാസിട്രോയെ സഹായിച്ചതിലൂടെ മൂന്നാം ലോകത്തില് കരുത്തു തെളിയിച്ച കെ.ജി.ബി. അഫ്ഗാനിലെ ഇടപെടലിലൂടെ സ്വന്തം ശവക്കുഴിയോടൊപ്പം സോവിയറ്റ് യൂണിയന്റെ ശവക്കുഴിയും മാന്തുകയായിരുന്നു. സോവിയറ്റ് യൂണിയന്റെ പതനത്തില് കെ.ജി.ബി. വഹിച്ച പങ്ക് എത്രത്തോളമായിരുന്നു വെന്ന് അഫ്ഗാനിലെ സംഭവത്തോടുകൂടി നമ്മള്ക്ക് മനസ്സിലാക്കാവുന്നതേയുള്ളൂ.
Comments
Post a Comment