പിന്നീട് കെ.ജി.ബി യുടെ ഉപമേധാവിയായി നിയമിതനായ വാഡിംകിര്പ്ചെങ്കോ പറയുന്നതെന്തെന്നാല് ബ്രെഷ്നേവിന് അസ്വസ്ഥതയുണ്ടാക്കാന് സാധ്യതയുള്ള പ്രതികൂലമായ റിപ്പോര്ട്ടുകള് അയാള് മനപ്പൂര്വ്വം ഒഴിവാക്കിയെന്ന്.
മൂന്നാം ലോക രാജ്യങ്ങളിലെ സോവിയറ്റ് നയത്തിന് കനത്ത തിരിച്ചടി നേരിട്ട സമയത്ത് സോവിയറ്റ് നയരൂപീകരണത്തില് അവര് കൈകൊണ്ട പരാജയങ്ങളെ മറച്ച് വെക്കാന് അമേരിക്കയുടെ സാമ്രാജ്യത്വ ഗൂഡാലോചന എന്ന ഒരു പുതിയ പുകമറ സൃഷ്ടിച്ചുകൊണ്ട് തങ്ങളുടെ നില സുരക്ഷിതമാക്കാന് വേണ്ടിയും രഹസ്യരേഖകള് വിശകലനം ചെയ്തതിലെ പരാജയം പുറം ലോകമറിയാതിരിക്കാനും വിശകലന വിദഗ്ദര് കിണഞ്ഞ് പരിശ്രമിച്ചു. ശീതയുദ്ധത്തിന്റെ അവസാനകാലത്ത് കെ.ജി.ബി യിലെ ഒരു മുതിര്ന്ന ഉദ്യോഗസ്ഥന് ഇപ്രകാരം പറഞ്ഞു. ഞങ്ങളുടെ മേലധികാരികാരികളെയും പാര്ട്ടിയിലെ ഉയര്ന്ന വ്യക്തികളെയും പ്രീതിപ്പെടുത്താന് ഞങ്ങള് കെട്ടുകഥകള് ചമയ്ക്കുമായിരുന്നു. എല്ലാ പഴിയും അമേരിക്കയുടെമേല് ചാര്ത്തിക്കൊടുക്കുക അങ്ങനെയാണേല് എല്ലാം ശുഭം.
ആന്ത്രപ്പോവ് കെ.ജി.ബിയുടെ മേധാവിയായിരുന്ന കാലത്ത് മൂന്നാം ലോകത്തെക്കുറിച്ചുള്ള യഥാര്ത്ഥബോധം കലര്ന്ന റിപ്പോര്ട്ടുകള് ഉന്നതങ്ങളിലേക്ക് അവര് അയച്ചു. ഉദാഹരണത്തിന് നാസറിന്റെ മരണത്തെത്തുടര്ന്ന് ഈജിപ്റ്റില് സോവിയറ്റ് യൂണിയന്റെ സാധ്യതയെക്കുറിച്ചും, ചിലിയുടെ സാമ്പത്തിക തകര്ച്ചയെപ്പറ്റിയുമൊക്കെ. പക്ഷേ ഇതെല്ലാം ഒന്നല്ലെങ്കില് മറ്റൊരു രീതിയില് നേതൃത്വത്തിന് സ്വീകാര്യമായ രീതിയില് മിനുസ്സപ്പെടുത്തിയായിരുനനു തയ്യാറാക്കിയിരുന്നത്.
കെ.ജി.ബി മേധാവികള് ഏതെങ്കിലും രീതിയിലുള്ള കെട്ടുകഥകള് തങ്ങളുടെ പാര്ട്ടി യജമാനന്മാര്ക്ക് വേണ്ടി ഉണ്ടാക്കുകയാണെങ്കില് അനുസരണയുള്ള നായ്കുട്ടികളെപ്പോലെ കീഴുദ്വോഗസ്ഥന് അതിന് തലകുലുക്കുകയായിരുന്നു. അതിന്റെ ഉദാഹരണമാണ് റോണാള്ഡ് റീഗന്റെ നേതൃത്വത്തില് അമേരിക്ക റഷ്യയുടെ മേല് ആണവആയുധം പ്രയോഗിക്കുമെന്നുള്ള നുണ രഹസ്യരേഖയെന്നും പറഞ്ഞ് കൃത്യമായി നിര്മ്മിച്ച് ഭരണാധികാരികള്ക്ക് നല്കിയ സംഭവം.
ഇതുപോലെ രാഷ്ട്രീയ നേതൃത്വത്തിന്റെ പ്രീതിപിടിച്ചുപറ്റുന്നതിനുവേണ്ടി ധാരാളം പ്രവൃത്തികള് കെ.ജി.ബി മേധാവികള് ചെയ്തിട്ടുണ്ടെങ്കിലും മൂന്നാം ലോകത്തെക്കുറിച്ച് അവര്ക്കുണ്ടായിരുന്ന ശുപാപ്തി വിശ്വാസം ഏറെക്കുറെ ശരിയായിരുന്നു. ശീതയുദ്ധം ഏതുവിധേനയും മൂന്നാംലോക രാജ്യങ്ങളെ മുന്നിര്ത്തി വിജയിക്കാനാകുമെന്നുള്ള അവരുടെ വിശ്വാസം നാള്ക്കുനാള് വര്ദ്ധിച്ചുവന്നു.
വാട്ടര്ഗേറ്റ് കുംഭകോണത്തെത്തുടര്ന്നും, ഇന്ഡോ ചൈനാ മേഖലയിലെ തിരിച്ചടികളെത്തുടര്ന്നും അമേരിക്ക അല്പ്പം പിന്നോക്കം പോയത് സാമ്രാജ്യവിരുദ്ധ പോരാട്ടത്തിലെ ഒരു നാഴികകല്ലായി കെ.ജി.ബി കണക്കുകൂട്ടി. മറിച്ചായിരുന്നുവെങ്കില് അങ്കോളയിലെ ക്യൂബന് ഇടപെടലിനും എത്യോപ്യയിലെ സോവിയറ്റ് ഇടപെടലിനും സാധിക്കുമായിരുന്നില്ല. അമേരിക്ക രാഷ്ട്രീയ പ്രതിസന്ധികളില് ആടിയുലഞ്ഞ നാളുകള് റഷ്യ മുന്നേറ്റത്തിന്റെ നാളുകളായി കണക്കുകൂട്ടി. ഇത്തരത്തിലൊരു മൂഢസ്വപ്നത്തിലായിരുന്നു റഷ്യന് നേതൃത്വം. പക്ഷേ തങ്ങളുടെ സാമ്പത്തിക നയങ്ങള് വരുത്തിവച്ച് വലിയ പ്രശ്നങ്ങള് സൗകര്യപൂര്വ്വം വിസ്മരിക്കാന് ശ്രമിച്ചു. അമേരിക്ക വിയറ്റ്നാമില് നിന്നും പിന്വാങ്ങിയ സംഭവം കമ്മ്യൂണിസത്തിന്റെ വിജയമായി തെറ്റിദ്ധരിച്ച് റഷ്യ ആഘോഷിച്ചപ്പോള് തങ്ങളുടെ കാല്ചുവട്ടിലെ മണ്ണ് ഒലിച്ചുതുടങ്ങുകയായിരുന്നു എന്ന സത്യം അവര് കണ്ടെത്തിയില്ല അഥവാ കണ്ടെത്താന് ശ്രമിച്ചില്ല. അമേരിക്കയുടെ നഷ്ടം പിന്നീട് പരിശോധിക്കുമ്പോള് നഷ്ടമല്ലെന്നും നേട്ടമായിരുന്നുവെന്നും നമുക്ക് മനസ്സിലാക്കാം. പക്ഷേ റഷ്യയുടെ കാര്യത്തിലങ്ങനെയല്ലായിരുന്നു. അവര് തകര്ന്ന് തരിപ്പണമായി.
Comments
Post a Comment