കമ്മ്യൂണിസ്റ്റ് റഷ്യയുടെ ഉദയം

കാൾ മാർക്സും ഫ്രഡ്രിക്ക് ഏംഗൽസും അവകാശപ്പെട്ടപോലെ കമ്മ്യൂണിസം, യൂറോപ്പിന്റെയും പടിഞ്ഞാറിന്റെയും ചരിത്രത്തിൽ മാത്രമല്ല ലോക ചരിത്രത്തിലും ചില മാറ്റങ്ങൾ വരുത്തി. വ്യവസായവൽകൃതമായ യൂറോപ്പിനെ ലക്ഷ്യംവെച്ചാണ് അവർ 1848ൽ കമ്മ്യൂണിസ്റ്റ് മാനിഫെസ്റ്റോ എഴുതിയതെങ്കിലും ആഗോളതലത്തിലും അത് ശ്രദ്ധിക്കപ്പെട്ടു. ആഗോളതലത്തിലെ ഒരു വിപ്ലവ ആഹ്വാനമായി അത് പരിണമിച്ചു. ‘തൊഴിലാളിവർഗത്തിന് നഷ്ടപ്പെടാൻ ഒന്നുമില്ല, ഉള്ളത് അവരുടെ വിലങ്ങുകൾ മാത്രം, അവർക്ക് വിജയിക്കാൻ ഒരു ലോകമുണ്ട്, സർവ രാജ്യ തൊഴിലാളികളെ, ഒന്നിക്കുക’.1917 ൽ വിപ്ലവത്തിലൂടെ റഷ്യ പിടിച്ചടക്കിയ ശേഷം അത് ലോകവിപ്ലവത്തിന്റെ തുടക്കമായി പ്രഖ്യാപിച്ചു. എല്ലാ ലോക രാജ്യങ്ങളിലും വിപ്ലവം വരാത്തിടത്തോളം നമ്മുടെ വിജയം ഭാഗികമാണെന്ന് ലെനിൻ പ്രഖ്യാപിച്ചു. ബോൾഷെവിക്കുകൾ ലോക വിപ്ലവം എന്ന വിദൂരസ്വപ്നം നൽകി. ലെനിൻ മരിച്ചു,എന്നിരുന്നാലും സാമ്രാജ്യങ്ങളുടെ തകർച്ച ഒരു ദിനം വിപ്ലവത്തിലൂടെ സാധ്യമാകുമെന്ന ചിന്താഗതി തൊഴിലാളികളിൽ ഫലപ്രദമായി വിതച്ചിരുന്നു. ദശലക്ഷക്കണക്കിന് തൊഴിലാളികൾ- ലോക ജനസംഖ്യയുടെ ബഹുഭൂരിപക്ഷവും – ഇപ്പോൾ സ്വതന്ത്രവും,സംഘടിത്തവും, സജീവവുമായി പുറത്തുവന്നിരിക്കുന്നു എന്നതാണ് ഇതിന്റെ വിപ്ലവകരമായ ഘടകം. ഇതിൽനിന്നും ഒരുകാര്യം വ്യക്തമായിരിക്കുന്നു വിപ്ലവം എന്ന നിർണായകമായ ഒരു യുദ്ധസന്ധിയാണ്. ലോകജനതയുടെ ഭൂരിഭാഗത്തിന്റെയും വിമോചനമെന്ന ആശയമാണ് ലക്ഷ്യം. മുതലാളിത്തവും സാമ്രാജ്യത്വവും ഒരുപക്ഷേ ലോകത്ത് നിന്നും തുടച്ചു മാറ്റപ്പെട്ടേക്കാം. 

ഏതു മാർഗ്ഗം സ്വീകരിച്ചായാലും (ആയുധപരമായാൽ പോലും ) രാജ്യാന്തര ബൂർഷ്വാസികളെ അട്ടിമറിച്ച് അന്താരാഷ്ട്ര സോവിയറ്റ് റിപ്പബ്ലിക്ക് സ്ഥാപിക്കാനായി 1919 മാർച്ചിൽ മോസ്കോയിൽ വച്ച് തേർഡ് കമ്മ്യൂണിസ്റ്റ് ഇൻറർനാഷണൽ(കമിൻറ്റേൺ) സ്ഥാപിതമായി. അടുത്ത ഒരു വർഷത്തേക്ക് കമിൻറ്റേൺ അധ്യക്ഷനായ ഗ്രിഗോറി യെവ്സീവിച്ച് സിനോവീവ്, ഒരു വിപ്ലവകരമായ സ്വപ്ന ലോകത്താണ് ജീവിച്ചത് . ബോൾഷെവിസം യൂറോപ്പിനെ കീഴടക്കി ലോകം തൂത്തുവാരാൻ പോവുകയായിരുന്നു എന്നായിരുന്നു ഒരിക്കലും നടക്കാത്ത ആ സ്വപ്നം. ബോൾഷെവിക് വിപ്ലവത്തിന്റെ രണ്ടാം വാർഷികത്തിൽ, ‘കമ്മ്യൂണിസ്റ്റ് ഇന്റർനാഷണൽ ലോകം മുഴുവൻ വിജയിക്കും’ എന്നുള്ള തന്റെ പ്രത്യാശ അദ്ദേഹം പ്രഖ്യാപിച്ചു,