മിട്രോഖിൻ ചരിത്രരേഖകള്‍ - രേഖകളുടെ ആധികാരികത

പിന്നീട് ഏപ്രിൽ 9ന് എസ്‌.ഐ‌. എസ് ഉദ്യോഗസ്ഥരുമായുള്ള കൂടിക്കാഴ്ചയിൽ മിട്രോഖിൻ അദ്ദേഹത്തിന്റെ സ്വകാര്യ ശേഖരത്തിൽ നിന്ന് 2,000 ആർക്കൈവിൽ പേജുകൾ കൂടി ഹാജരാക്കി. തന്റെ മേൽനോട്ടത്തിൽ മുഴുവൻ വിദേശ രഹസ്യാന്വേഷണ ശേഖരവും മോസ്കോയുടെ മധ്യഭാഗത്തുള്ള ലുബ്യാങ്കയുടെ തിരക്കേറിയ കെ.ജി . ബി ഓഫീസിൽ നിന്നും ഔട്ടർ റിംഗ് റോഡിനു സമീപത്തുള്ള യാസെനെവോയിലെ പുതിയ കെ.ജി.ബി ആസ്ഥാനത്തേക്ക് 1972 നും 1982 നും ഇടയിൽ മാറ്റം ചെയ്യുന്നതിനിടയിൽ ശേഖരത്തിൽ നിന്നും മിക്കവാറും എല്ലാ ദിവസവും കൈയ്യക്ഷര കുറിപ്പുകൾ എങ്ങനെ കടത്തി എന്നതിന്റെ അസാധാരണമായ കഥ അദ്ദേഹം പറഞ്ഞു. അതിനു ശേഷം മിട്രോഖിൻ അവ തന്റെ കുടുംബ വീടിന്റെ തറയിൽ വർഷങ്ങളോളം മറച്ചുവച്ചു.

1984ൽ കെ.ജി .ബിയിൽ നിന്നും വിരമിക്കുന്നതുവരെ മിട്രോഖിൻ രഹസ്യ രേഖകൾ കടത്തികൊണ്ട് വന്നിരുന്നു . മിട്രോഖിൻ കാണിച്ച കുറിപ്പുകൾ വഴി കെ ജി ബി യുടെ വിദേശ രഹസ്യാന്വേഷണ വിഭാഗത്തിലെ അതീവ രഹസ്യമായ ശേഖരത്തിലെ രേഖകളിലേക്ക് പോലും അയാൾക്ക് അഭിഗമ്യതയുണ്ടായിരുന്നുവെന്ന് എസ് ഐ എസ് ഉദ്യോഗസ്ഥർ മനസിലാക്കി . ആ രേഖകളിൽ നിന്നും വിദേശത്ത്‌ ഗുപപ്തമായി താമസിച്ച കെ‌.ജി.‌ബിയുടെ എലൈറ്റ് കോർപ്സിന്റെ യഥാർത്ഥ ഐഡന്റിറ്റികളും,മറ്റ് വീര ഇതിഹാസങ്ങളും വെളിച്ചതായി .ബാൾട്ടിക്കിൽ വെച്ചു SISസുമായി നിരവധി തവണ കൂടിക്കാഴ്ച നടത്തിയ മിട്രോഖിൻ തുടർന്നു ബ്രിട്ടനിൽ ഒരു രഹസ്യ സന്ദർശനം നടത്തി അയാളുടെ കൂറുമാറ്റ പദ്ധതികൾ ചർച്ചചെയ്തു. 

1992 നവംബർ 7, ഒരു ശരത്കാലം, ബോൾഷെവിക്കിന്റെ വിപ്ലവത്തിന്റെ എഴുപത്തിയഞ്ചാം വാർഷികം, മിട്രോഖിനെയും കുടുംബത്തെയും, ആറ് വലിയ കണ്ടൈനർ നിറയെ രേഖകളും ഒരു രഹസ്യ ഉദ്യമത്തിലൂടെ എസ്‌ഐ‌എസ് റഷ്യയിൽ നിന്നും ബ്രിട്ടനിലേക്ക് കടത്തി. മിട്രോഖിൻ ചരിത്രരേഖകളിൽ ആഴ്ന്നിറങ്ങിയ ബ്രിട്ടീഷ് ഉദ്യോഗസ്ഥർ അതിന്റെ ആധികാരികത കണ്ട് ഞെട്ടിപ്പോയി. അമേരിക്കൻ രഹസ്യാന്വേഷണ ഏജൻസിയായ സി.ഐ. എ യുടെ കണ്ണിൽ ലോകത്തിലെ ഏറ്റവും വിശ്വസനീയമായ വിലമതിക്കാനാവാത്ത രേഖകളായിരുന്നു അവ. ബ്രിട്ടീഷ് രഹസ്യാന്വേഷണ സുരക്ഷാ കമ്മിറ്റിയും മറ്റു പശ്ചിമദേശ അന്വേഷണ ഏജൻസികളുടെയും വിലയിരുത്തൽ പ്രകാരം ഏറ്റവും കൂടുതൽ കൗണ്ടർ ഇന്റെലിജെൻസ് തെളിവുകൾ നൽകിയ രേഖകളായിരുന്നു അവ. സോവിയറ്റ് യൂണിയൻ തകർന്ന ശേഷം രൂപംകൊണ്ട റഷ്യൻ രഹസ്യാന്വേഷണ സംഘടനയായ എസ്സ് .വി. ആർ മേധാവി ഇങ്ങനെ ഒരു രഹസ്യ ചോർച്ച ഉണ്ടായിട്ടില്ല എന്ന് പരസ്യമായി പ്രഖ്യാപിച്ചു . ഒരിക്കൽ ഒരു ജർമൻ വാരിക ഈ സംഭവത്തെ കുറിച്ച് ലേഖനം പുറത്ത് വിട്ടു.100 ഓളം കെ ജി ബി ചാരൻമാരുടെ പേരുകൾ വെളിപ്പെട്ടു എന്ന് അവർ മിട്രോഖിൻ അടിസ്ഥാനമാക്കി റിപ്പോർട്ട് ചെയ്തു. തുടർന്ന് എസ്സ്. വി. ആർ മേധാവി “നൂറോളം ചാരന്മാരോ ? തികച്ചും അസംബന്ധ”മെന്ന് പറഞ്ഞ് തടിയൂരാൻ ശ്രമിച്ചുവെങ്കിലും സത്യം അതിനുമപ്പുറമായിരുന്നുവെന്നു പിന്നീട് തെളിഞ്ഞു. ആയിരത്തിലധികം ചാരന്മാരുടെ പേരുകളും മറ്റ് ആധികാരികമായ വിവരങ്ങളും മിട്രോഖിൻ രേഖകളിലൂടെ പുറംലോകമറിഞ്ഞു.ശീതസമരകാലത്തെ സോവിയറ്റ് യൂണിയൻ കെ. ജി .ബി യുടെ നേതൃത്വത്തിൽ നടത്തിയ ചാരപ്പണിയുടെയും മറ്റ് വിധ്വംസക പ്രവർത്തനങ്ങളുടേയും ഞെട്ടിപ്പിക്കുന്ന വിശദാംശങ്ങൾ ലോകമറിഞ്ഞു . കെ ജി ബി യുടെ ചാരപ്രവർത്തനങ്ങളെ കുറിച്ച് പലരും സൗകര്യപൂർവ്വം മൗനത്തിൽ ആയപ്പോൾ ഇതിനെ പ്രതിരോധിക്കാൻ സി. ഐ. എ നടത്തിയ പ്രവർത്തനങ്ങൾ ഇതേ ആളുകൾ വളരെയധികം വിമർശന ബുദ്ധിയോടെ നോക്കിക്കണ്ടു. ഏക പക്ഷീയമായ ഒരു ചരിത്രാഖ്യാനമാണ് ഈ കൂട്ടർ നടത്തിയത്.ഒരു കൈ മാത്രം കൊട്ടി ശബ്ദമുണ്ടായതിനോട് നമുക്ക് ഈ ചരിത്രാഖ്യാനത്തെ ഉപമിക്കാം . ലോകത്താകമാനം സ്വീകാര്യമായ ഒരു ചരിത്ര പുസ്തകമാണ് ഓക്സ്ഫോർഡ് യൂണിവേഴ്സിറ്റിയുടെ ‘പൊളിറ്റിക്സ് ഓഫ് ദ വേൾഡ് ‘എന്നാൽ ഇതിൽ ഒരിടത്തുപോലും കെ.ജി.ബി നടത്തിയ പ്രവർത്തനങ്ങളെ പറ്റി പ്രതിപാദിച്ചു കണ്ടില്ല .പക്ഷേ സി.ഐ .എ യുടെ പ്രവർത്തനങ്ങളെക്കുറിച്ച് നെടുനീളൻ ആഖ്യാനമുണ്ട്. മിട്രോഖിന്റെ ഈ ആർക്കൈവ് പറയുന്നത് പോലെ, ലോകത്തെ കാൽചുവട്ടിലാക്കാൻ റഷ്യ ശ്രമിക്കുന്നു. ഇതിൽ ആശ്ചര്യപ്പെടുത്തുന്ന വസ്തുത എന്തെന്നാൽ മൂന്നാം ലോകത്തോടുള്ള സോവിയറ്റ് നയത്തിൽ കെ‌.ജി‌. ബിയുടെ പങ്ക് ഇതേ രാഷ്ട്രങ്ങളോടുള്ള യു‌എസ് നയത്തിലെ സി. ‌ഐ‌. എയുടെ പങ്കിനെക്കാൾ പ്രധാനവും കൂടൂതലാണ് .കാൽ നൂറ്റാണ്ട്കാലം ,സി. ‌ഐ.എയിൽ നിന്ന് വ്യത്യസ്തമായി കെ.‌ജി‌. ബി വിശ്വസിച്ചത് ശീത യുദ്ധത്തിൽ വിജയം നേടാൻ തങ്ങളെ സഹായിക്കുന്ന മേഖല മൂന്നാം ലോകമാണെന്നാണ്. ഇരുപത്തിയൊന്നാം നൂറ്റാണ്ടിന്റെ തുടക്കത്തിൽ വ്യാപകമായ കപട നീരൂപണത്തിലൂടെ കുത്തിവെച്ച അപകർഷതാബോധം മൂലം തകർന്ന പടിഞ്ഞാറിന്റെ ആത്മബോധം തന്റെ ജീവൻ പണയപ്പെടുത്തി വീണ്ടെടുക്കാൻ നീണ്ട ഇരുപത് വർഷക്കാലം അദ്ദേഹം വികാരാധീനനായി തയ്യാറായിരുന്നു എന്ന വസ്തുത വിശ്വസിക്കാൻ ഏറെ പ്രയാസമാണ്. ആ രേഖകൾ എന്നെങ്കിലും പകലിന്റെ വെളിച്ചം കാണുമെന്ന് ഒരുറപ്പും ഇല്ലായിരുന്നിട്ട് കൂടി മിട്രോഖിൻ അർപ്പണബോധത്തോടെ ആ കാലയളവിലുടനീളം രേഖകൾ സമാഹരിച്ച് സംരക്ഷിച്ചു. വെളിച്ചം കാണുമെന്ന് ഉറപ്പില്ലാത്ത ഒരു കാര്യത്തിനുവേണ്ടി തൻറെ ജീവിതത്തിലെ വിലയേറിയ സമയവും കഴിവും ഉപയോഗിക്കുന്നത് ഒരു പടിഞ്ഞാറൻ എഴുത്തുകാരനെ സംബന്ധിച്ചിടത്തോളം അസംഭവ്യമായ കാര്യം തന്നെയാണ്. രേഖകൾ പരിശോധിച്ച ബ്രിട്ടീഷ് രഹസ്യാന്വേഷണ ഏജൻസിയുടെ കമ്മിറ്റിക്ക് മിട്രോഖിന്റെ അർപ്പണ മനോഭാവത്തിലും ധൈര്യത്തിലും അതിസാധാരണമായ മതിപ്പുണ്ടായി. മിട്രോഖിന്റെ യഥാർത്ഥ കയ്യെഴുത്ത് പ്രതികൾ ഇപ്പോഴും എസ്.ഐ. എസ്ന്റെ പക്കൽ പുറത്തു വിടാതെ സുരക്ഷിതമായി സൂക്ഷിച്ചിരിക്കുകയാണ് . അതിൽ നിന്നും ബ്രിട്ടീഷ് സർക്കാർ നിയോഗിച്ച കമ്മിറ്റിയുടെ മേൽനോട്ടത്തിലാണ് അപ്രധാനപ്പെട്ടതും, പ്രസിദ്ധീകരണ യോഗ്യമല്ലാത്തതുമായ രേഖകൾ മാറ്റി വെച്ച ശേഷം ഈ പുസ്തകത്തിൻറെ ഭാഗമായി ഇന്ത്യ ഉൾപ്പെടുന്ന മൂന്നാം ലോക രാജ്യങ്ങളിൽ റഷ്യ നടത്തിയ ചാര പ്രവർത്തനങ്ങളുടെ വിശദാംശങ്ങൾ പുറത്തു വിടുന്നത്.